Daha bir şərəfsiz manyak vəzifəsindən qovuldu. Həbs təhlükəsi ilə üzbə-üz

SEKSUAL MANYAK RƏDD OLDU

Görək prokuror və polis idarəsinin rəhbərliyi bu ləkəni üzərindən nə vaxt götürəcəklər.

❗

FACEBOOK-da «Bizim Şirvan» səhifəsində belə bir şad xəbər yayılıb

Təbriklər Şirvana! Allah Şirvanımızı qorusun! Sizə şad xəbər verərək bildiririk ki, nəhayət bu gün Şirvan şəhər icra hakimiyyətinin başçısı İlqar Abbasov Xanəli Əzizovu gec də olsa tutduğu vəzifədən azad edib. İlqar Abbasov həm özünü həm də Şirvan sakinlərini təhlükədən xilas etdi. İlqar Abbasova bundan sonra da qətiyyətli addımlar ataraq Şirvan sakinlərinin mənafeyinin qorunmasında uğurlar arzulayırıq! Və İlqar Abbasova bəyan edirik, əmin olun haqq işinizdə sizə dəstək verəcəyik. Xanəli Əzizovun məsuliyyətə cəlb edilməsi artıq hüquq mühafizə orqanlarının işidir. Komunal Kombinat müəssisəsində araşdırma aparılsa vəzifə səlahiyyətlərini aşma, mənimsəmə və korrupsiya faktları ortaya çıxacaq. Seksual hərəkətlərə yol verməsi , polis, prokrorluq orqanlarını təhqir etməsi faktına Vilayət Eyvazov və Kamran Əliyevin mövqe ortaya qoyub hüquqi qiymət verəcəklərinə şübhəmiz yoxdur.

DAHA BİR ŞİRVANLI MƏMUR HƏBSİN ASTANASINDA – XANƏLI ƏZIZOV SÜPÜRGƏÇI QADINA ƏXLAQSIZ TƏKLIF EDIB, POLISI DÖYMƏSI ILƏ ÖYÜNÜB

DAHA BİR ŞİRVANLI MƏMUR HƏBSİN ASTANASINDA – Xanəli Əzizov süpürgəçi qadına əxlaqsız təklif edib, polisi döyməsi ilə öyünüb

İyunun 24-də xəbər yayıldı ki, Şirvan Şəhər İcra Hakimiyyətinin Mənzil Kommunal Təsərrüfatı idarəsinin müdiri Eyyub Gülməmmədov Baş Prokuror yanında Korrupsiyaya Qarşı Mübarizə Baş İdarəsinin əməkdaşları tərəfindən keçirilmiş təxirəsalınmaz əməliyyat tədbirləri nəticəsində xidməti vəzifəsinin icrası ilə əlaqədar idarənin balansında olan Şirvan şəhəri Nizami küçəsində yerləşən yataqxananın 35 kvadratmetr sahəsi olan iki otaqdan ibarət hissəsini vətəndaşın adına sənədləşdirilməsi müqabilində sonuncudan 3000 manat məbləğində pulu iyunun 22-də özünə məxsus avtomobildə rüşvət kimi alarkən cinayət başında yaxalanıb. Faktla bağlı Cinayət Məcəlləsinin 311.1-ci (rüşvət alma) maddəsi ilə cinayət işi başlanıb.

Eyyub Gülməmmədov tərəfindən bu cinayət əməlinin törədilməsinə şübhələr üçün əsaslar müəyyənləşdirildiyindən o, Cinayət Məcəlləsinin həmin maddəsi ilə təqsirləndirilən şəxs qismində istintaqa cəlb olunmaqla barəsində Binəqədi Rayon Məhkəməsinin qərarı ilə dörd ay müddətə həbs qətimkan tədbiri seçilib. Hazırda cinayət işi üzrə həmin qanunsuz halların tam, hərtərəfli yoxlanılmaqla təqsirli şəxslərin dairəsinin müəyyənləşdirilərək məsuliyyətə cəlb olunmaları istiqamətində zəruri istintaq-əməliyyat tədbirləri davam etdirilir.

Elə həmin gün Şirvan şəhərində başqa bir məmurun barəsində cəmiyyətdə daha böyük rezonans doğuran xəbər yayılıb. “Facebook” sosial şəbəkəsində “Bizim Şirvan” səhifəsi Şirvan şəhər Komunal Kombinat müəssisəsinin müdiri Xanəli Əzizovun süpürgəçi işləyən qadına əxlaqsız təklif etdiyini ortaya qoyan səs yazısını paylaşıb. Səhifədə həmçinin bir qrup Şirvan sakininin ölkə Prezidentinə və vitse-prezidentə müaciəti yayılıb:

“Möhtərəm cənab Prezident, hörmətli Mehriban xanım, biz Şirvanlılar 2 gündür vicdan, namus, qeyrət əzabı çəkirik. Şirvan şəhər Komunal Kombinat Müəssisəsinin müdiri Kərbəlayi Xanəli Əzizovun balalarına bir tikə çörək aparmaq üçün süpürgəçi işləyən Azərbaycan qadınına əxlaqsız hərəkətlər təklif etməsi, hətta məcburi şəkildə zorlayacağını aydın şəkildə əks etdirən səs yazısı sosial şəbəkədə yayıldıqdan sonra çox hiddətlənmişik. Güman elədik ki, Xanəli Əzizovu Şirvan Şəhər İcra Hakimiyyətinin başçısı İlqar Abbasov vəzifəsindən azad edib hüquq — mühafizə orqanlarına tədbir görmək üçün göstəriş verəcək. Əksinə, İlqar Abbasov Xanəli Əzizova arxa çıxdı, “gözün üstə qaşın var” demədi. Çünki ortada 10 min manat pul var. Biz gözlədik ki, polisin, baş prokurorluğun ünvanına təhqiramiz söyüşlər işlətdiyi üçün daxili işlər naziri cənab Vilayət Eyvazov, baş prokuror cənab Kamran Əliyev Xanəli Əzizovun fəaliyyətinə, qeyri — insani hərəkətlərinə hüquqi qiymət vermək üçün qətiyyətli mövqe ortaya qoyacaqlar. Ancaq Xanəli Əzizov rahat bu gün işinin başındadır. Biz narahatıq ki, Xanəli Əzizovu Şirvanın dəliqanlı gəncləri yığışıb cəzalandıra bilərlər. Çünki sosial şəbəkələrdə insanlar səs yazısını dinləyib nifrət, kin dolu rəylər yazırlar. Hər an vətəndaş qarşıdurması ola bilər. Xahiş edirik, hüquq — mühafizə orqanlarımız bunu dərk etsinlər.

Cənab Prezident, hörmətli Mehriban xanım. Biz Şirvanlılar Ulu Öndərimiz Heydər Əliyevə daim sadiq olmuşuq. Bu gün də Sizlərin ətrafındayıq. Sizin fəaliyyətinizi bəyənib dəstəkləyirik. Bir sözlə, biz Şirvan sakinlərinin son ümidi sizlərsiniz. Xanəli Əzizovun dərhal həbs edilərək əxlaqsız hərəkətlərinə hüquqi qiymət verilməsini biz Şirvanlılar sizdən xahiş edirik. Biz dövlətimizin xalqın yanında olmasına əminik. İmkan verməyin Xanəli Əzizov cəzasız qalıb əhalinin dövlətə olan inamı itsin”.

Qeyd edək ki, “Bizim Şirvan” səhifəsini izləyən sosial şəbəkə istifadəçiləri (əsasən Şirvan sakinləri) Xanəli Əzizovun daha bir neçə qadına əxlaqsız təkliflər etdiyi barədə məlumalı olduqlarını yazıblar və həmin məmurun dərhal həbs olunmasının vacibliyini bildiriblər.

Xanəli Əzizovun süpürgəçi qadına əxlaqsız təklif etməsi ilə bağlı səs yazısında belə bir məqam var: X.Əzizov qadına deyir ki, guya Kür çayı üzərindəki körpüdə polis işçisini əzişdirib, sonra şəhər polis şöbəsinə gedib və heç bir məsuliyyətə cəlb olunmayıb. Bu məqam da şəbəkə isifadəçilərini təəccübləndirib: “Bu gün Şirvanda küçədə addımının birini səhv at, rəis Hikmət Quliyevin göstərişi ilə 15 sutkalığa gedirsən. Bəlkə, Xanışı (Xanəli Əzizov – red.) kombinat müəssisəsinə müdir təyin etməsi üçün İlqar Abbasova verdiyi 10 min manat rüşvət qoruyur? Daxili işlər nazirimiz cənab Vilayət Eyvazovdan və Baş Prokurorumuz cənab Kamran Əliyevdən xahiş edirik ki, polis müstəntiqini döyüb, qoçuluq edən və bunu fəxrlə hər yerdə deyən, xəstə, ehtiyac içində yaşayan xanım əməkdaşına utanmadan seksual təkliflər edən və əks təqdirdə zorlayacağının anonsunu verən Xanəli Əzizov barəsinə ölçü götürülsün. Bu səs yazısı bütün Şirvan camaatında var. Əhali qəzəblənib. Bunun axırı heç yaxşı görünmür. Şəhərimizə sakitliyi, əmin-amanlığı təmin etmək üçün mütləq Xanış kimilər qanunla CƏZALANMALIDIR!”

Xatırladaq ki, Xanəli Əzizovun sələfi, Şirvan Kommunal Kombinatı Müəssisəsinin sabiq rəhbəri Vəliyev Aqil Rəhimdil oğlu da korrupsiya cinayətlərində təqsirləndirilib. O, keçən ilin dekabr ayında Baş prokuror yanında Korrupsiyaya Qarşı Mübarizə Baş İdarəsi əməkdaşları tərəfindən saxlanılmış, barəsində cinayət işi başlanılaraq məhkəmənin qərarı ilə həbs qətimkan tədbiri seçilmişdi. Görünür, Xanəli Əzizovu da sələfinin aqibəti gözləyir. Amma elə olsa, Allahına şükür etməlidir.

Məlum səs yazısını təqdim edirik:

1,581 просмотров всего, 1 просмотров сегодня